недела, 14 април 2024

САД испраќаат нов пакет воена помош на Киев вреден 300 милиони долари

Администрацијата на претседателот на Соединетите Американски Држави Џо Бајден најави денес нов пакет воена помош за Украина, кој вклучува опрема и вооружување во вредност од 300 милиони долари, соопшти Стејт департментот.

Фото: ЕПА

Објавено на

часот

Сподели

Како што наведува Пентагон, ова претставува 55 транша воена опрема на американската влада, која ќе биде обезбедена од постоечките залихи за министерството за одбрана на Украина од август 2021 година.

Предвидениот пакет вклучува поддршка на украинската непосредна противвоздушна одбрана, артилеријата и противтенковско вооружување.

Пентагон наведува дека новата помош за Киев вклучува противвоздушни ракети „стингер“, дополнителна муниција за ракетните системи со висока подвижност (ХИМАРС), артилериска муниција со калибар 155 милиметри, вклучувајќи високоексплозивни куршуми и касетна муниција со двојна намена, артилериски гранати со калибар 105 милиметри, АТ-4 противоклопни системи.

„Воената помош за Украина останува паметна инвестиција во нашата национална безбедност. Одвраќа потенцијална агресија на други места во светот, истовремено јакнејќи ја нашата одбранбена индустриска база и создавајќи висококвалификувани работни места за американскиот народ“, се наведува во соопштението на Пентагон.

ТОП ВЕСТИ

ПОСЛЕДНИ ВЕСТИ