„Брод на кинеската крајбрежна стража намерно трипати се судри со брод на филипинската крајбрежна стража, кој ја практикуваше својата слободна навигација во филипинската ексклузивна економска зона, предизвикувајќи штета на бродот и загрозувајќи ја безбедноста на екипажот на бродот“, рече портпаролот Метју Милер.
Во соопштението се вели дека тоа е најновата во серијата опасни и ескалирачки акции на Кина во областа во текот на август.
Кинеската крајбрежна стража во саботата објави дека филипинскиот брод, „незаконски е оставен“ кај гребенот Сабина Шол, го подигнал сидрото и „намерно удрил“ во кинески брод, додека филипинската крајбрежна стража соопшти дека кинески брод „целно се судрил“ со еден од бродовите на Манила.
Пекинг има претензии на целото Јужно Кинеско Море, вклучително и делови кои ги присвојуваат Филипините, Брунеи, Малезија, Тајван и Виетнам. Се верува дека делови од морето, низ кои годишно поминуваат стоки во вредност од вкупно три трилиони долари, се богати наоѓалишта со нафта и гас, како и рибни резерви.
Во 2016 година, Постојаниот арбитражен суд утврди дека барањата на Кина немаат правна основа, одлука што Пекинг ја отфрла.
