„Овие притисоци не се само кинетичка или само воена сила, туку тие треба да бидат и економски и дипломатски“, рече Келог на собирот на иранската опозициска група Националниот совет за отпор на Иран (НЦРИ) во Париз, пренесува Ројтерс.
Тој изјави дека постои можност Иран да се промени на подобро, но таа можност „нема да трае вечно“.
„Мораме да ја искористиме слабоста што ја гледаме сега. Има надеж, мора да има акција“, нагласи Келог. Тој зборуваше на собири на НЦРИ и претходно, последен пат во ноември, но неговото присуство во Париз, иако во лично својство, навестува дека групата има слух за новата американска администрација, оценува Ројтерс.
Келог на почетокот на месецов го одложи патувањето во европските метрополи до инаугурацијата на Трамп на 20 јануари.
Агенцијата пренесува дека не е познато дали Келог ќе го искористи своето патување во Париз за да се сретне со француските официјални претставници за да разговараат за Украина.
Француското претседателство, Министерството за надворешни работи и транзицискиот тим на Трамп не одговориле веднаш на барањето за коментар, според Ројтерс.
Трамп вети дека ќе се врати на политиката што ја водел во неговиот претходен мандат, која дејствуваше со цел да ја уништи економијата на Иран со цел да ја принуди земјата да преговара за нејзината нуклеарна програма, програма за балистички ракети и регионални активности, додава Ројтерс.
