Алексеј Журављев, член на рускиот парламент Дума, рече дека две ракети „Сармат 2“, колоквијално наречени „Сатана 2“, се потребни за уништување на источниот брег на САД, а четири за уништување на целите Соединети Американски Држави.
Журављев одговараше на извештајот на Си-би-ес кон крајот на април во кој лидерите разговараа како би изгледал нуклеарниот напад врз Њујорк. Пратеникот им порача дека погрешно пресметале.
„Јас компетентно ќе ви кажам дека за да се уништи целиот источен брег на САД се потребни две ракети „Сармат“ и две ракети за западниот брег. Четири проектили и ништо нема да остане. Атомската печурка ќе се види од Мексико“, рече тој.
Журављев потоа рече дека ќе бидат уништени два милиони Украинци, опишувајќи ги како „неизлечиви нацисти“.
On Russian state TV, they discuss not only what it would take to destroy the United States, but also how many Ukrainians have to be massacred. One lawmaker came up with a figure: 2 million. No one in the studio blinked or objected—including the host, who is himself a Duma member. pic.twitter.com/dqywGStxax
— Julia Davis (@JuliaDavisNews) May 30, 2022
Телевизиската водителка на програмата 60 минути на истата телевизија, Олга Скабеева, рече дека операцијата на Кремљ во Украина е при крај и дека почнала Трета светска војна во која Русија ќе го „демилитаризира НАТО“.
„Можеби дојде време да се признае дека руската специјална операција во Украина е завршена. Во смисла дека почна вистинска војна. Згора на тоа, тоа е Трета светска војна. Принудени сме да ја демилитаризираме не само Украина, туку и НАТО како целина“, рече таа.
