Од почетокот на инвазијата на Украина, Москва редовно ги обвинува САД и „колективниот Запад“ дека го зголемуваат ризикот од нуклеарна војна. „Ако Соединетите Држави продолжат да го следат својот сегашен курс на конфликт со Русија, при што влогот постојано ескалира до работ на лизгање во директен оружен конфликт, тогаш судбината на СТАРТ (договорот за нуклеарно оружје) може да биде неизвесна“, истакна Јермаков.
„Најакутната закана денес е поврзана… со опасноста од нуклеарна ескалација како резултат на директен воен конфликт меѓу нуклеарните сили. И овие ризици, за жал, постојано растат. Москва и Пекинг ќе ја проценат потенцијалната вмешаност на Западот во глобалното проширување на американскиот противракетен систем, што јасно ја поткопува стратегиската стабилност“, додаде тој.
