Руското министерство за одбрана наведе денес дека погодило, користејќи и хиперсонични ракети „кинжал“, инсталации на украинскиот воено-индустриски комплекс, во кои се произведуваат проектили, барут и дронови.
Украинските воздухопловни сили претходно денес соопштија дека во текот на ноќта Русија лансирала десетици ракети и дронови на Украина.
„Во текот на непријателскиот воздушен напад, регистрирани се вкупно 40 направи“, наведоа украинските воздухопловни сили, и додадоа дека тие уништиле осум ракети, а дека „повеќе од 20 направи„ не ја погодиле метата, бидејќи биле свртени од траекторијата со „електронски контра мерки“.
Украина од своите сојузници бара повеќе средства за обезбедување поефикасна противвоздушна одбрана.
