Украинскиот претседател Володимир Зеленски го потврди нападот и рече дека властите работат на спасување на другите од болницата.
Тој рече дека сите неопходни органи биле вклучени во мисијата за расчистување.
Претходно, регионалниот гувернер Серхиј Лисак изјави дека градот бил нападнат во четвртокот вечерта.
„Беше многу тешка ноќ. Беше гласно – непријателот почна масовен напад врз регионот со проектили и дронови“, рече Лисак. „Днепар настрада.“
Тој подоцна потврди дека двете повредени деца се момчиња на возраст од три и шест години.
Зеленски објави видео од оштетената зграда на клиниката на која се гледаат пожарникари на местото на настанот и чад што се извива од зградата.
„Уште еден руски ракетен напад, уште едно злосторство против целото човештво. Уништени се зградите на психолошката клиника и ветеринарната амбуланта во градот Днепар. Засега едно лице загина, а 15 се ранети. Последиците од гранатирањето се елиминираат, а жртвите се спасуваат. Вклучени се сите потребни служби“, напиша Зеленски на Твитер.
Another ?? missile attack, another crime against humanity as such. The buildings of a psychological clinic and a veterinary clinic in the city of Dnipro were destroyed. As of now, one person was killed and 15 were wounded. The shelling aftermath is being eliminated and the… pic.twitter.com/D0bYBPByjn
— Володимир Зеленський (@ZelenskyyUa) May 26, 2023
„Само зла држава може да се бори против клиниките. Не може да има воена цел во ова. Тоа е чист руски терор.“
Украинските власти рекоа дека во текот на ноќта собориле 17 проектили и 31 беспилотно летало лансирани од Русија.
Неколку беспилотни летала и проектили погодиле цели во Днепар и во источниот град Харков, вклучително и складиште за нафта.
Бомбардиран беше и главниот град на Украина, Киев, а официјални лица изјавија дека парчиња од пресретнати дронови паднале на покривот на трговски центар, додека една куќа и неколку автомобили биле оштетени.
Русија ги интензивираше нападите врз Украина во последните недели, таргетирајќи ги нејзините инфраструктурни објекти пред очекуваната украинска контраофанзива.
