Осомничените отвориле оган врз специјалните сили на Федералната служба за безбедност, откако биле блокирани на периферијата на Наљчик, главниот град на Република Кабардино-Балкарија.
„На периферијата на Наљчик беше спроведена антитерористичка операција откако беше утврдена локацијата на вооружени мажи што учествуваа во терористички активности. Неутрализирани се двајца милитанти“, се вели во соопштението.
„Според достапните податоци, двајцата милитанти убиени во кратка престрелка биле членови на банда што е дел од меѓународна терористичка организација. Тие планирале да извршат серија субверзивни и терористички напади во регионот“, се додава.
🇷🇺⚡️ عملية مكافحة الإرهاب في مدينة نالتشيك الروسية🔥 pic.twitter.com/L4td8DgXfF
— جنـــرال T (@TZ00G) April 11, 2024
„Како одговор на понудата да го положат оружјето и да им се предадат на властите, бандитите отворија оган врз специјалните сили. Координацијата на активностите на силите за ред и мир ја обезбедува оперативниот штаб на Националниот антитерористички комитет“, се додава.
Не се соопштени детали за нападите што наводно биле планирани.
На местото на судирот е пронајдено автоматско оружје и муниција. Експерти за бомби од ФСБ ја проверуваат локацијата.
🇷🇺⚡️-
NEW:
The Counter-Terrorist Operation regime was introduced in part of the territory of Nalchik & Chereksky district of Kabardino-Balkaria.
Militants in house opened fire in response to an offer to surrender, the National Anti-Terrorism Committee (NAC) reported.#Russia pic.twitter.com/IaEdIdkBPq
— Millitary Nerd (@MilitaryNerdd) April 11, 2024
„Немаше жртви меѓу службениците на ФСБ, Министерството за внатрешни работи, Министерството за вонредни ситуации и Националната гарда, кои учествуваа во антитерористичката операција. Ниту еден цивил не е повреден“, нагласија властите.
Безбедносните мерки низ Русија се зголемени по терористичкиот напад на 22 март во близина на Москва во кој загинаа 145 луѓе.
Одговорноста за нападот потоа ја презеде разгранок на Исламска држава ИСИС-Х.
Кабардино-Балкарија се наоѓа во регионот на Северен Кавказ каде што исламските екстремисти дејствуваат со децении.
