Руските системи за противвоздушна одбрана соборија крстосувачка ракета во близина на градот Керч, изјави рускиот гувернер на Крим, Сергеј Аксјонов. Инцидентот не предизвика штета или жртви, додаде тој.
Аксјонов не прецизираше од каде била лансирана ракетата.
Русија го анектира Крим, каде што ја базира својата црноморска флота, од Украина во 2014 година. Киев постојано ја повикува Москва да го врати полуостровот.
Локалните власти соопштија дека сообраќајот на мостот Крим, кој го поврзува полуостровот со руското копно, е обновен по прекинот.
Не беше наведена причина за прекинот на сообраќајот.
Во друг инцидент, противвоздушната одбрана соборила украинска ракета над руската област Ростов, изјави гувернерот Василиј Голубев на Телеграм.
„Немаше жртви. Остатоците делумно оштетија покриви на неколку згради“, напиша Голубев.
Александар Богомаз, гувернерот на Брјанск, на Телеграм напиша дека руската армија соборила два украински проектили.
„Пиланата е целосно уништена поради падот на еден од проектилите“, изјави Богомаз.
Москва редовно ја обвинува Украина за напади врз цели во Русија. Киев го негира ова, велејќи дека води одбранбена војна на своја територија.
