„Русија изврши нов голем напад со беспилотни летала на области во јужна и централна Украина ноќта меѓу 1 и 2 февруари. За жал, една од трафостаниците на Укренерго беше оштетена. Станбените и индустриските потрошувачи во градот Криви Рих останаа без електрична енергија“, соопштено е од Укренерго, националната енергетска компанија на Украина.
Оттаму додаваат дека нивните работници со вработените во Државната служба за итни случаи ја проверуваат опремата. Најавија дека веднаш потоа ќе почне да се работи на итна санација. Шефот на Воената управа на Дњепропетровскиот регион Серхиј Лисак објави дека два рудника останале без струја поради удар на дрон шахед.
Според првичните информации, повеќе од 100 работници биле заробени под земја, но Лисак рече дека до 7:30 часот по локално време, некои од нив биле извлечени на површината. Лисак извести дека повеќе од 40.000 граѓани во моментов се без струја.
Украинските воздухопловни сили тврдат дека успеале да соборат три беспилотни летала Шахед над областа. Инаку, Русите доцна синоќа лансираа серија јуришни беспилотни летала од југот на Украина. Експлозии се слушнале во градовите Кропивнички и Кривиј Рих.
