Москва врши редовни воздушни напади врз украинските населби и градови, а главниот град Киев бил нападнат 20 пати само во октомври, според градските власти.
Украинскиот Генералштаб соопшти дека пресретнал 1.185 од 2.023 беспилотни летала лансирани минатиот месец и дека уште 738 се водат како исчезнати.
„Вкупно, од почетокот на 2024 година, непријателот лансираше 6.987 напаѓачки беспилотни летала на територијата на Украина. Непријателските беспилотни летала главно се насочени кон цивилна и критична инфраструктура“, се вели во соопштението.
Украина во петокот соопшти дека уништила 31 беспилотно летало и еден проектил во последниот руски напад во текот на ноќта, во кој беа оштетени станбени згради во најмалку два региони и пожарна станица во јужниот регион Одеса.
Русија тврди дека не гаѓа цивили и дека енергетските капацитети се легитимни цели кога се дел од воената инфраструктура на Украина.
Украина се подготвува за уште една сезона на прекини на струја поради заканата од нови руски напади врз енергетскиот систем на земјата, кој веќе беше ослабен со серија напади претходно оваа година.
