четврток, 20 јуни 2024

Русија регрутира затворенички

На крајот на мај Русија ослободи група жени од затвор да се приклучат на борбите во Украина, објавија две поранешни затворенички, пишува Њујорк Тајмс.

Илустрација: ЕПА

Објавено на

часот

Сподели

Сепак, не е познато дали нивното ослободување е изолиран случај, пилот програма или почеток на поголем бран на регрутирање затворенички. Воените регрутери почнале да ги посетуваат женските затвори низ европскиот дел на Русија повеќе од една година откако на затворениците им понудиле помилување и плата во замена за заминување на фронтот.

Сепак, до сега жените кои се пријавиле да одат во војска останале во затворите без официјално објаснување.

Десетици илјади осудени Руси ја прифатија поканата на армијата. Илјадници од нив беа убиени во Украина, а некои извршија тешки злосторства по нивното ослободување. Со регрутирање затворенички, пишува Њујорк Тајмс, Русија се обидува да избегне мобилизирање на населението.

Не е познато каква улога треба да преземат жените на фронтот. Воените регрутери посетиле затвор во близина на Санкт Петербург минатата година и им понудиле на затвореничките договори за позиции на снајперисти, медицински персонал и радио оператори на првата линија на една година, што е значително отстапување од претежно помошните позиции на женските војници. Тогаш се пријавиле околу 40 од 400 затворенички.

Им било понудено помилување и плата од околу две илјади долари месечно, што е околу 10 пати повеќе од минималната плата во Русија. Две жени кои минатата година сведочеле на регрутирањето во затворот, за Њујорк Тајмс изјавија дека затвореничките се пријавиле и покрај опасностите за кои биле предупредени од воените офицери кои биле во посета.

Како една од причините зошто жените се пријавуваат во војска, поранешните затворенички ги наведуваат строгите услови во руските затвори. Њујорк Тајмс пишува дека на затвореничките во близина на Санкт Петербург им е забрането да зборуваат, тие работат и до 12 часа на ден во затворските работилници, дури и на ниски температури.

Освен Русија, затвореници во војната користи и Украина. Имено, владата во Киев минатиот месец одобри слична шема, а украинските власти објавија дека оттогаш илјадници осуденици се пријавиле за регистрација.

ТОП ВЕСТИ

ПОСЛЕДНИ ВЕСТИ