Во коментарите по повод 75-годишнината од НАТО, Грушко за руската државна новинска агенција РИА изјави дека односите „предвидливо и намерно“ се влошуваат, а сите канали на дијалог меѓу Москва и алијансата Вашингтон и Брисел се доведени на ниво на „ критична нула“.
„Дали воениот блок е подготвен за отворен конфликт со Русија? Треба да ги прашате самите членки на НАТО. Во секој случај, ние немаме такви намери во однос на земјите-членки на алијансата“, рече Грушко.
Претседателот Владимир Путин ја започна својата „специјална воена операција“ во Украина во 2022 година, со цел да го спречи ширењето на влијанието на НАТО во близина на Русија. Но, војната послужи за зајакнување на алијансата, која се прошири на 32 членки со приемот на Финска и Шведска.
НАТО соопшти дека ѝ помага на Украина во борбата за опстанок соочени со руската агресија и дека го снабдува Киев со напредно оружје, обука и разузнавачки податоци. Русија вели дека ова го прави НАТО де факто страна во конфликтот. Путин во февруари рече дека директен конфликт меѓу Русија и НАТО ќе значи дека планетата е на работ на Трета светска војна.
