Путин и американскиот претседател Доналд Трамп вчера се договорија за ограничен 30-дневен прекин на огнот против цели на украинската енергетска инфраструктура, додека преговорите за поширок мировен план ќе започнат „веднаш“, соопшти Белата куќа.
Путин, објави Кремљ по долгиот телефонски разговор меѓу двајцата лидери, ѝ наредил на руската војска да престане да ги напаѓа енергетските капацитети. Но, Путин не го прифати поширокиот предлог на САД за 30-дневен прекин на огнот што Трамп го сметаше за прв чекор кон траен мировен договор.
Украинскиот претседател Зеленски, кој се согласи на целосен 30-дневен прекин на огнот, по телефонскиот разговор меѓу Путин и Трамп рече дека ќе поддржи ограничен прекин на огнот, но го повика светот да ги блокира сите обиди на Москва да ја продолжи војната.
Неколку часа подоцна, двете страни пријавија напади на своја територија. „Русија напаѓа цивилна инфраструктура и луѓе во моментов“, изјави Андриј Јермак, шеф на кабинетот на украинскиот претседател, во текот на ноќта на платформата Телеграм.
Неколку украински извори објавија дека набргу по разговорите Трамп-Путин, Русија ја нападнала енергетската инфраструктура во градот Славјанск, која останала без струја.
❗️Russians just hit the energy sector in Sloviansk, Donetsk region, part of the city without electricity, local channels.
“Immediate ceasefire across all energy sectors” is working🤦♂️ pic.twitter.com/e0eBkUExwl
— 🪖MilitaryNewsUA🇺🇦 (@front_ukrainian) March 18, 2025
Регионалните власти во регионот Суми во североисточна Украина соопштија дека руските напади со беспилотни летала оштетиле две болници, при што немало повредени, но барало евакуација на пациентите и болничкиот персонал.
Еден 60-годишен маж е повреден, а неколку куќи се оштетени во напад со руски дронови во областа околу украинскиот главен град Киев, изјави рано во средата регионалниот гувернер Микола Калашник.
Зеленски рече дека Русија лансирала повеќе од 40 дронови во Украина неколку часа по повикот меѓу Трамп и Путин.
While the Russian drones attacked civilian residences and energy infrastructure in Hostomel and Sloviansk, inknown drones targeted an oil depot in the village of Kavkazskaya near Kropotkin in Krasnodar Region.
Located nearby is Kropotkinskaya oil refinery of the Caspian… pic.twitter.com/dNgIimkiDb
— Olga Klymenko (@OlgaK2013) March 19, 2025
Властите во областа Краснодар во јужна Русија рано утринава соопштија дека украинско беспилотно летало предизвикало мал пожар во складиште за нафта во близина на селото Кавказскаја. Во пожарот кој се прошири на 20 квадратни метри нема повредени, но 30 вработени се евакуирани, објавија регионалните власти на Телеграм.
Kuban, the oil transshipment point “Kavkazskaya” was lit up. It is intended for transshipment of Russian oil by rail into the pipeline system of JSC “Caspian Pipeline Consortium” in the amount of 6 million tons per year. pic.twitter.com/JJELKYKySN
— Malinda 🇺🇸🇺🇦🇵🇱🇨🇦🇮🇹🇦🇺🇬🇧🇬🇪🇩🇪🇸🇪 (@TreasChest) March 19, 2025
Руската агенција за цивилно воздухопловство Росавијација соопшти дека ги суспендира летовите од аеродромите во Казан, Нижни Новгород и Нижнекамск, кои се на стотици километри источно од Москва, за „да се обезбеди безбедност на воздушниот сообраќај“.
Агенцијата не ја наведе причината за суспензијата, но вообичаено ги суспендира летовите кога има извештаи за напади со беспилотни летала.
