Путим им ветил на Сеп Блатер, претседател на ФИФА, и на Мишел Платини, претседател на УЕФА, дека нема да има никакви проблеми. Двете главни фудбалски фигури ова ветување го добиле во Санкт Петербург, каде што биле на прослава на еден век постоење на руската фудбалска унија.
„Секој навивач што ќе има билет(и) ќе може слободно да дојде во Русија. Тоа што како план го разработуваме е да им овозможиме на навивачите и да патуваат бесплатно помеѓу градовите“, најавил Путин.
Сето ова со воодушевување го прифатиле и Блатер и Платини. Најголем проблем за Русија се зголемениот расизам на стадионите и хулиганско-екстремните групи.
