Проектилот е истрелан од Баренцово Море и погоди цел во Белото Море, тврди министерството.
Снимката објавена од министерството го покажува лансирањето на проектилот од брод. Рускиот претседател Владимир Путин претходно го опиша „циркон“ како „дел од новата генерација на вооружените системи какви што нема никој друг“.
Русија минатата година спроведе повеќе тестирање на проектилот „циркон“, кој го истрела од воени бродови и подморници. Минатиот месец го тестираше и новиот интерконтинентален проектил „сармат“ кој може да носи нуклеарни боеви глави, наведе Ројтерс.
