Во монтирано видео објавено од кабинетот на украинскиот претседател во петокот, 26 мај, од средбата на Греам со Володимир Зеленски, Греам е прикажан како вели „Русите умираат“, а потоа вели дека поддршката од САД се „најдобрите пари некогаш потрошени“.
“It’s a best money we’ve ever spent”
US Senator Lindsey Graham, during a meeting with Volodymyr Zelenskyy, called the death of Russians – the best spent of US money. pic.twitter.com/gKCc3PjSmj
— NEXTA (@nexta_tv) May 28, 2023
Украина објави целосна видео снимка од средбата која покажува дека двете забелешки не се поврзани.
Рускиот Истражен комитет во неделата, 28 мај, објави дека отвора кривична истрага за коментарите на Греам. Не е прецизирано за кое кривично дело е осомничен.
Во неделата, Греам ги оспори руските критики за неговата поддршка на Украина, велејќи дека тој едноставно го фали духот на Украинците во отпорот на руската инвазија со помошта на Вашингтон.
Републиканецот од Јужна Каролина е познат по своите ставови за надворешната политика, како отворен поддржувач на зголемената воена поддршка за Украина во нејзината борба против Русија.
Русија претходно додаде десетици американски функционери и избрани политичари на црните листи, забранувајќи им влез во земјата, но ретко барала апсење на високи американски функционери.