Меѓу другите на состанокот кој се одржа вчера Гили Роман, кој е германски државјанин, ја спомна својата роднина Кармел која на 7 октомври минатата година била грабната од кибуцот Беери.
„Малку знаеме за ситуацијата на Кармел. Се надеваме дека е жива. Но не знаеме“, кажа Роман.
Претставниците на Советот за безбедност и неколку други присутни држави членки на ОН, вклучувајќи ја Германија, ветија дека ќе продолжат со напорите да се обезбеди ослободување на сите заложници.
Хамас во нападот на 7 октомври уби околу 1.200 луѓе, вклучувајќи околу 800 цивили. Тие грабнаа повеќе од 200 жени, мажи и деца.
105 од нив беа ослободени по речиси два месеци во рамки на договорот за прекин на огнот меѓу Израел и Хамас.
Судбината на останатите заложници останува нејасна. Според израелските проценки, околу стотина се сè уште живи.
