Во Словенија употребата на пиротехнички средства им е дозволена на физичките лица од 26 декември исклучиво до 1 јануари, а продажбата од 19 до 31 декември.
Љубљанската полиција кажа дека акцент ставаат на превентивните мерки за намалување на употребата или безбедната употреба на пиротехниката, кои ги спроведуваат заедно со училиштата и другите институции. „Затоа секоја година во основните училиште држиме неколку предавања на таа тема“, објаснија тие.
Воедно истакнаа дека родителите имаат важна улога во освестувањето на малолетниците за опасностите на пиротехниката. „Важно е да зборуваат за оваа тема и да ги предупредуваат децата на опасноста и последиците од употребата на пиротехничките производи“, додава полициската управа на Љубљана.
