Во пост на социјалната мрежа Икс Кенеди ги наведе своите причини за ваквиот повик.
Поранешниот потпретседател Дик Чејни, кој ја поддржа Харис, е предводник на неоконзервативците кои ја предизвикаа војната во Ирак каде, за првпат во историјата, САД без причина ја нападнаа земјата за да го спречат Садам Хусеин да употреби оружје за масовно уништување, кое никогаш не постоело, кажа Кенеди Помладиот.
If you want to avoid nuclear war, I strongly urge you to vote for Donald Trump. In fact, I would go so far as to say that a vote for Kamala Harris is a vote for nuclear war. pic.twitter.com/HC4smGEgZ7
— Robert F. Kennedy Jr (@RobertKennedyJr) October 24, 2024
Тој потсети дека во таа војна загинаа повеќе од милион Ирачани, додека САД и нивните сојузници изгубија 4.800 војници. „Ние убивме повеќе Ирачани од Садам Хусеин“, кажа Кенеди.
Тој ги обвини Чејни и неоконзервативците дека фабрикувале докази и лажеле затоа што сакале војна. Токму како што сега некои делови од американскиот неоконзервативен естаблишмент сакаат да ја испровоцираат Русија и да предизвикаат нуклеарна војна.
Тој потсети дека Џон Ф. Кенеди се спротивставил на таквите планови на американскиот воен комплекс во 1960-тите. Кога бил убиен, успеале да ги турнат САД во Виетнамската војна, повторно со лаги за напади на воени бродови. Немало никакви напади во Тонкин заливот. Но војната сепак се случи/
Денес, наведува Кенеди Помладиот, не само што дел од американската воена и разузнавачка служба сака војна, туку сакаат војна со Русија преку Украина.
„Русија е најголемата нуклеарна сила во светот“, предупреди тој. Има многу повеќе нуклеарно оружје од САД и многу од нив се подобри од најдоброто американско, додаде Кенеди.
Тој потсети дека на Џо Бајден малку му недостигаше да им дозволи на Украинците да употребат американско оружје на руско тло, поради што Москва го смени законот за да може на таков напад да одговори со нуклеарно оружје.
„Светот никогаш не бил поблиску до нуклеарна војна во полн обем“, кажа Роберт Кенеди Помладиот.
Тој ги повика Американците да замислат некој да ја поддржува мексиканската војска да ги гаѓа САД со оружје со долг дострел. „Дали САД би одговориле со напад на Русија? Би било вистинско чудо ако не“.
Кенеди Помладиот за Харис кажа дека нема искуство во надворешната политика. Нејзините непријателски, лаички забелешки и коментари на сметка на Русија се многу вознемирувачки и доказ дека би била совршена марионета во рацете на оние кои ја сакаат оваа војна, кажа тој.
„Не ни треба претседателка која е толку слаба што мора да ја докажува својата сила на американскиот народ жртвувајќи ги животите на американските војници стационирани во странство“, кажа Кенеди.
„Нуклеарна војна денес би знаела милијарди умрени“, кажа Кенеди Помладиот и потсети на истражувањето дека трета светска војна би траела само 73 минути и дека за тоа време би умреле 5,8 милијарди луѓе. „А оние кои би преживеале би им завидувале на мртвите“.
