Амбициозниот тим на Гостивар кој атакува на титулата одигра уште едно реми, овојпат против Работнички кој исто така се бори за врвот.
На теренот во Маџари каде што е домаќин Гостивар, гледачите видоа по неколку шанси на двете страни, но гол немаше, мечот заврши 0-0.
На второто дерби во ова коло Силекс со 3-1 ја победи Струга и се качи на третата позиција.
Хрвановиќ и Осман дадоа два гола во првото полувреме за водство на Силекс од 2-0. Струга по една одлична акција пред крајот на полувремето успеа да го намали водството на кратовци на 2-1.
Брзо по почетокот на вториот дел Алиќ даде гол за зголемување на водството на Силекс на 3-1, што беше и конечен резултат.
Шкендија со прекрасен гол на Алхасан во првото полувреме го победи Тиквеш со минимални 1-0.
Шкупи беше сигурен против Пелистер победувајќи го со 3-1. Со тој резултат заврши и натпреварот меѓу Воска и Брера.
Вчера Вардар и Беса одиграа без голови.
Резултати 21. коло:
Силекс – Струга 3-1
Гостивар – Работнички 0-0
Шкендија – Тиквеш 1-0
Шкупи – Пелистер 3-1
Воска – Брера 3-1
Вчера
Вардар – Беса 0-0
Табела: Шкендија 46, Силекс 41, Работнички 41, Гостивар 40, Струга 32, Шкупи 31, Пелистер 23, Брера 20, Воска 18, Вардар 17, Тиквеш 15, Беса 15.
