Путин, кој во пораката со сочувство претходно оваа недела рече дека го смета Берлускони за драг пријател и исклучителен политичар, на присутните им рече:
„Неодамна почина поранешниот премиер на Италија, господинот Берлускони. Тој направи многу за да изгради нормални долгорочни односи меѓу Русија и земјите од НАТО. Тој беше многу добар човек, многу активен и енергичен.“
Тој додаде: „Без никакво претерување го сметам за личност од светска класа. Ѝ се извинувам на публиката. Би сакал да побарам едноминутен молк во негова чест“.
Исто како и поранешниот германски канцелар Герхард Шредер, Берлускони одржуваше блиски врски со Москва за време на првите години на Путин во Кремљ, од 2000 година наваму.
И Берлускони и Шредер станаа пријатели со рускиот лидер, додека Западот ги критикуваше дека останале со него долго по илегалната руска анексија на Крим од Украина во 2014 година.
