Одговарајќи на прашања за летот на Претседателскиот авион, заменик-портпаролката на Белата куќа, Оливија Далтон, ја потврди посветеноста на САД на принципот на НАТО за колективна одбрана.
Државниот секретар Антони Блинкен исто така рече дека нема индикации дека Русија се подготвува да употреби нуклеарно оружје.
Путин денеска рече дека Русија „теоретски“ може да употреби нуклеарно оружје доколку постои закана за нејзиниот територијален интегритет или опстанок, но дека нема потреба од тоа.
„Нуклеарното оружје беше развиено како гарант за нашата безбедност во најшироката смисла на зборот и за опстанокот на руската држава, но немаме потреба (да го употребиме)“, рече Путин на Меѓународниот економски форум во Санкт Петербург.
