Постојат некои биолошки фактори кои можат да ве претворат во мамка за комарци.
Ако сте бремени
Женските комарци, кои всушност касаат, ги привлекува јаглерод диоксид, жените во подоцнежните фази од бременоста издишуваат 21 отсто повеќе ЦО2 од нивните врсници кои не се бремени, што објаснува зошто трудниците привлекуваат двојно повеќе комарци.
Освен јаглерод диоксид, бремените жени испуштаат и други мириси кои можат да бидат непријатни за луѓето, но многу привлечни за инсектите.
Многу се потите
Ако каснувањата од комарци ве излудуваат, можеби треба да вежбате во затворен простор ова лето.
Млечната киселина, нуспроизвод од интензивна физичка активност што се излачува преку пот, е всушност она што ги привлекува комарците.
Дополнително, кога се потите обилно, вашата телесна температура се зголемува, а комбинацијата од топлина и пот станува уште попривлечна за комарците.
Имате нулта крвна група
Исто како што имате омилени вкусови, така и комарците претпочитаат човечка крв.
Луѓето со крвна група нулта се попривлечни за комарците бидејќи имаат тенденција да испуштаат одредени мириси што комарците ги сметаат за привлечни.
Пиете пиво
Пиењето пиво може да доведе до повеќе каснувања бидејќи ја зголемува привлечноста за комарците.
Сè уште не е познато зошто комарците ги привлекуваат луѓе кои консумирале алкохол, но овој факт е веќе широко распространет.
Гените ја одредуваат привлечноста
Една студија покажа дека фундаментален генетски механизам може да влијае на тоа дали ќе привлечете комарци или не.
Одредени луѓе произведуваат природни средства за заштита од комарци, додека други ги привлекуваат, што е генетски контролирано.
