Чувството дека светот се заговорил против нас го имаат повеќето луѓе, а научниците имаат и објаснување за таквиот песимизам. Одговорите ги најдоа во интуицијата која не е совршен механизам туку повремено откажува.
Тоа чувство во нашиот стомак кое отсекогаш нè штитело од опасни ситуации не е само наш чувар – може и да нè измами; особено во ситуации за кои мислиме дека се поврзани со нас и ни предизвикуваат посилни емоции. На пример, кога сообраќајот тече непречено и нашата лента се движи нормално, нашето внимание е насочено кон тоа каде одиме и не обрнуваме многу внимание на брзината на другите автомобили.
Кога ќе заглавиме во сообраќаен метеж, се концентрираме на тоа дали треба да ја смениме лентата, ја следиме брзината на другите ленти и секој пат кога некој ќе нè престигне, мислиме дека имаме лоша среќа, што нè прави лути. Бидејќи подобро се сеќаваме на ситуациите што предизвикуваат силни емоции, како што е лутината, не е ни чудо што чувството дека сите се побрзи од нас е врежано во нашата меморија. И ако ги запомниме таквите информации доволно пати, тие стануваат наши вистини и правила.
Феноменот на најбавна лента во сообраќајот совршено се вклопува во збирката на Мерфиеви закони, во која се вели: „Ако нешто може да тргне наопаку, ќе тргне наопаку“. Ова се животни мудрости именувани по американскиот инженер Едвард А. Мерфи, или општоприфатени саркастични мисли.
Во тие закони се бараат причини зошто лебот секогаш паѓа на намачкана страна, предметите што ги бараме се секогаш на дното на чантата, а уредите обично се расипуваат баш кога истекува нивната гаранција. Несреќниот закон произлегол од фрустрацијата на Мрфи со опрема која не работела во лабораторијата за авионска техника на Рајт Филд.
„Ако има начин да се направи погрешно, тој ќе го направи погрешно“, рекол Мерфи, осврнувајќи се на техничарот кој поврзувал ремен за погон, останатото е историја.
