Причините можат да бидат различни, од стрес и промени во исхраната, па сè до надворешни фактори. Нормално е едно лице да губи помеѓу 50 и 100 влакна дневно, но кога овој број значително се зголемува, тоа може да биде причина за загриженост.
Сезонското опаѓање на косата обично трае неколку недели, најчесто од четири до осум, па затоа е важно да се следи состојбата и да се реагира навреме.
При промена на сезоната косата природно влегува во фаза на опаѓање слично како на пролет.
Сув воздух и студ – есента и зимата носат помала влажност и температурни флуктуации, што го суши скалпот и ја ослабува косата.
Стрес – враќањето на работа и училиште често ја зголемува напнатоста, а стресот директно влијае на здравјето на косата.
Исхрана – промените во исхраната и недостатокот на клучни хранливи материи (витамини Б, цинк, омега-3 масни киселини) можат да го забават растот и да ја ослабат косата.
Заштитете ја косата – прашината, смогот, сонцето и влажноста ја прават косата кршлива. Ако се навлажни, косата треба да се измие истиот ден.
Во студените месеци се препорачува капа, а во лето шешир и производи со заштитен фактор.
Редовна хидрација – по секое миење, не заборавајте да користите регенератор и, доколку е можно, исплакнете со ладна вода за да ја задржите влагата.
Правилна исхрана и додатоци во исхраната – протеините и кератинот се важни за поцврста коса, но и внесувањето на витамини Д, А, Б и Ц и минерали како железо, магнезиум, калциум и цинк.
Тие можат значително да придонесат за јачината и сјајот на косата, особено во есен и зима.
