Кога пиеме кафе без претходно да јадеме, се зголемува производството на желудочна киселина. Ова може да предизвика иритација на слузокожата на желудникот, што со текот на времето може да доведе до гастритис, рефлукс и непријатност како што се болка или надуеност.
Покрај тоа, кафето го стимулира лачењето на хормонот на стрес – кортизол. Високото ниво на кортизол на празен стомак може да предизвика дополнителен товар на телото, предизвикувајќи чувство на вознемиреност и нервоза.
Друга причина зошто се советува да се избегнува кафе пред појадок е неговото влијание врз рамнотежата на шеќерот во крвта. Кафето може да предизвика ненадејни скокови и падови на шеќерот во крвта, што придонесува за чувство на слабост и замор подоцна во текот на денот.
За да уживате во утринското кафе без негативни последици, се препорачува прво да изедете барем лесен оброк – како парче тост, јогурт или овошје. На овој начин ќе го заштитите желудникот, ќе го стабилизирате нивото на хормоните и ќе му дозволите на кафето да делува стимулирачки, а не исцрпувачки.
