Особено производите што ја поттикнуваат желбата за собирање, страста за игра и носталгијата кај возрасните претставуваат важни пазари на иднината, изјави Стефан Вил на отворањето на стручниот саем.
Во САД и на петте најголеми европски пазари, возрасните љубители на играчки, според податоците на саемот, сега остваруваат речиси една третина од вкупниот промет.
На саемот, меѓу другото, се изложени предмети за возрасни обожаватели од сериите „Хари Потер“ или „Ѕвездени патеки“, сложени модели за склопување од филмовите „Војна на ѕвездите“ или подморница од познатиот воен филм, како и колекционерски фигури за љубители на акциони филмови или фудбал.
Уште еден тренд се производите што го поттикнуваат креативното ангажирање на возрасните и децата.
Тука спаѓаат слики за дополнително боење, мало грнчарско тркало или сетови за везење теписи – хоби кое исто така е тренд на социјалните мрежи.
Спротивност на тоа се играчките со вештачка интелигенција. Малите кадифени роботи препознаваат лица, гестови и предмети. Тркачките автомобили можат да се унапредуваат со помош на вештачка интелигенција.
Дури може самостојно да се состави и програмира и хуманоиден робот.
