Таканаречената Западна шума ќе биде лоцирана во областа околу градовите Бристол, Свиндон и Глостер на западот на Англија, пренесува Би-би-си.
Предвидено е да биде првата од трите нови шуми што владата вети дека ќе ги засади како дел од големиот план за обновување на шумите во Англија до 2050 година.
Во Англија моментално 10 отсто од територијата е под шума, а целта е таа да биде 16,5 отсто.
На ниво на Велика Британија пошумувањето е 13 отсто, потсетува Би-би-си и додава дека планот е секоја година да се пошумуваат 30.000 хектари.
Најголемиот дел од новите дрвја беа засадени во Шкотска.
Надлежните тврдат дека е постигнат значителен напредок, но дека има уште многу работа.
„Парите дадени од владата се исклучително важни. Доколку се намалат, напорите би биле поништени“, изјави Енди Иган од Форест труст.
Идната Западна шума ќе биде првата таканаречена национална шума во Англија што ќе биде засадена од создавањето на оригиналната Национална шума во областа помеѓу градовите Лестер, Дерби и Стафорд.
Поголемиот дел од шумата е засаден со дабово дрво, бел бор и јасен.
