Оваа бавна космичка ротација, според научниците, би можела да ја објасни една од најдолговечните загатки на модерната астрономија – таканаречената „Хаблова тензија“.
Студијата беше предводена од астрофизичарот Иштван Сапуди од Институтот за астрономија на Универзитетот во Хаваи, а резултатите беа објавени во списанието „Месечни известувања на Кралското астрономско друштво“.
„Хаблова тензија“ се однесува на проблемот каде што различните методи за мерење на стапката на ширење на универзумот – познати како „Хаблова константа“ – даваат различни резултати, предизвикувајќи конфузија во космологијата. Во новата теорија, дури и минималната ротација на универзумот би можела да влијае на нејзиното ширење на начин што би ги усогласила овие различни вредности, пренесува Индија тудеј.
Според авторите на студијата, ротацијата е толку бавна што не можеш директно да се набљудува со денешните инструменти. Сепак, ефектите од оваа ротација би можеле да се откријат преку компјутерски симулации, што ќе биде следниот чекор во истражувањето, велат научниците.
