Нутриционистот д-р Аканкша Кулкарни истакнува три додатоци во исхраната кои можат да помогнат во забрзувањето на метаболизмот и олеснувањето на губењето на килограми, пренесува Индекс.
Пробиотици
Пробиотиците ја подобруваат рамнотежата на цревната микрофлора, што позитивно влијае на варењето и подобрата апсорпција на хранливите материи. „Здравата цревна флора може да влијае на хормоните што го регулираат апетитот и складирањето на масти, олеснувајќи го одржувањето на здрава телесна тежина“, објаснува д-р Кулкарни. Покрај тоа што го поттикнуваат губењето на тежината, пробиотиците придонесуваат за целокупното дигестивно здравје и зајакнување на имунолошкиот систем.
Капсаицин
Капсаицинот е активната состојка во лутите пиперки, го стимулира разградувањето на мастите и го поттикнува нивното користење како извор на енергија. „Не само што го забрзува согорувањето на мастите, туку и го намалува апетитот и ја зголемува потрошувачката на калории, што го прави корисен додаток во процесот на слабеење“, вели д-р Кулкарни. Исто така, има антиинфламаторни својства и придонесува за здравјето на срцето и циркулацијата.
Екстракт од зелен чај
Катехините од зелениот чај, особено ЕГЦГ, помагаат во согорувањето на мастите, особено за време на физичка активност. „Екстрактот од зелен чај е познат по своето високо ниво на антиоксиданти, а ЕГЦГ се издвојува како клучно соединение кое го забрзува метаболизмот и ја стимулира термогенезата – процес во кој телото согорува повеќе калории“, заклучува д-р Кулкарни.
