„Разговарав со Кока-Кола за употреба на вистински шеќер од трска во Кока-Кола во САД и тие се согласија да го сторат тоа. Би сакал да им се заблагодарам на сите кои се на власт во Кока-Кола“, изјави Трамп преку социјалната мрежа Трут соушл.
Портпаролот на Кока-Кола изјави дека компанијата со седиште во Атланта наскоро ќе сподели детали за новите понуди и дека го цени ентузијазмот на Трамп за нивниот производ.
Кока-кола што се продава во САД обично се засладува со сируп од пченка со висока содржина на фруктоза, додека во други земји, вклучувајќи го Мексико и делови од Европа, често се користи шеќер од трска.
