Отпечатоци од заби од лав биле пронајдени на карлицата на човек закопан на гробишта, каде што се верува дека се посмртните останки на гладијатори, пренесува Скај њуз.
Мозаиците и керамиката прикажуваат гладијатори кои се нападнати од лавови, но ова е прв пат да се најдат скелетни докази за борба.
Научниците изјавија дека коските покажале различни лезии и биле идентификувани дека потекнуваат од голема мачка, можеби лав, откако биле споредени со современите траги на забите на животното.
Се проценува дека човекот имал помеѓу 26 и 36 години кога умрел и се чини дека живеел во текот на 3 век од нашата ера, кога Јорк бил познат како Еборакум и бил град и воена база во римската провинција Британија.
