На прашањето „Како ќе изгледа светот за 50 години?“, чет-ботот го понудил следниот одговор: „За 50 години, светот ќе биде потопол и повеќе ограничен од климатските промени, со преобликувани крајбрежја и градови редизајнирани да бидат погусти, позелени и поотпорни.“
„Вештачката интелигенција и биотехнологијата ќе бидат вградени во секојдневниот живот – во голема мера невидливи – проширувајќи го здравјето, преобликувајќи ја работата и замаглувајќи ги границите помеѓу човекот и машината, додека вистината, приватноста и моќта ќе станат потешки за дефинирање“, се наведува во одговорот.
„Иднината ќе биде дефинирана помалку од самата технологија, а повеќе од тоа кој ја контролира, создавајќи свет во кој нееднаквоста и човечкиот просперитет ќе постојат рамо до рамо.“
Според проекциите на банката Голдман Сакс, глобалната економија тогаш би требало да биде доминирана од Индија, Кина и САД. Слично на предвидувањето на ЧетГПТ, се смета дека до 2076 година светот ќе премине на обновливи извори на енергија, додека фосилните горива ќе станат минато.
Се предвидуваат и суперсонични авиони и возови, како и тоа дека самоуправувачките автомобили ќе станат вообичаени.
Проценките на Обединетите нации укажуваат дека глобалниот раст на населението за педесет години ќе биде близу до нула. Некои проекции наведуваат и дека до 2076 година луѓето би можеле да основаат населби на Марс.
