Ретка појава на небото и планетарен спектакл на планети наредени во низа ќе биде вистинско искуство за набљудувачите на ноќното небо, пренесува РТС.
Планетите нема да бидат наредени во права линија, туку во неправилна низа, блиску една до друга и близу едната страна од Сонцето.
Главниот проблем со гледањето на сите шест планети е тоа што четирите од нив веќе се блиску до Сонцето и ќе бидат видливи само кратко време – ако воопшто бидат – во самрак. Венера и Меркур ќе бидат најблиску до хоризонтот за време на самракот, потоа Сатурн и Нептун, додека Уран и Јупитер ќе бидат многу повисоко на небото. Во пракса, гледањето на повеќе од три планети веројатно ќе биде предизвик.
Астрономската парада на ноќното небо треба да биде видлива во текот на последниот викенд од февруари и почетокот на март. На крајот од овој циклус на планетарната парада, Меркур малку ќе се сврти и ќе исчезне под хоризонтот.
Планетите ќе бидат видливи на небото по зајдисонцето.
Вакви необични астрономски појави се случуваат во периоди од неколку години. Во текот на претходната година во низа се најдоа дури седум планети.
Уште на 28 февруари, Меркур, Венера, Јупитер и Сатурн ќе бидат видливи со голо око, доколку ведрото небо дозволи. Уран и Нептун ќе можат да се видат само со двоглед и телескоп.
Кое е најдобро време за набљудување на небото?
Астрономите препорачуваат да се гледа небото околу еден час по зајдисонцето и да се стои на место без високи дрвја или згради што го блокираат погледот на набљудувачот на небото.
На запад ќе бидат видливи Меркур, Венера и Сатурн блиску до хоризонтот. Јупитер ќе биде високо на небото, заедно со Уран и Нептун.
Според НАСА, барем една планета ќе биде видлива на ноќното небо секоја вечер.
Иако оваа „парада на планети“ брзо ќе исчезне, изгледите за набљудувачите на планети во 2026 година се одлични.
Марс се движи од вечерното кон утринското небо и повторно ќе стане видлив пред изгрејсонцето во април. Уште поимпресивно е што Венера се издига на небото по зајдисонцето и до крајот на март ќе се етаблира како супер-светла „Вечерна ѕвезда“, сјаејќи со магнитуда од -3,8 – третиот најсјаен објект по Сонцето и Месечината, и многу посветол од Јупитер.
Венера ќе биде највисока на небото во август и најсветла кон крајот на септември, иако планетарниот врв во 2026 година веројатно ќе се случи на 9 јуни кога Венера и Јупитер ќе бидат во блиска врска на вечерното небо, со Меркур веднаш подолу.
