Станува збор за кралот Чарлс Трети од Обединетото Кралство, царот Нарухито од Јапонија и царицата Масако. Пред кралот Чарлс Трети да ја добие оваа привилегија, таа ја имаше кралицата Елизабета Втора, која Чарлс ја наследи на тронот откако кралицата со најдолг стаж во Велика Британија почина на 8 септември 2022 година.
Овој исклучок се однесува само за кралот (или кралицата) на Обединетото Кралство, а не и за другите членови на кралското семејство. Ова правило не важи и за сопругата на кралот Чарлс, кралицата Камила, која со себе мора да има дипломатски пасош.
Што се однесува до Јапонија, на 10 мај 1971 година, јапонското министерство издаде документ во кој се наведува дека би било крајно несоодветно да се издава пасош на цар или царица, пренесува Си-ен-би-си ТВ18.
Во документот, исто така, се додава дека би било крајно несоодветно царот да се подложи на процедури за имиграција или виза користејќи пасош како обичен граѓанин. Исто така, таквото право важи само за царот и царицата, додека дипломатски пасоши се издаваат на другите членови на царското семејство, вклучувајќи го и престолонаследникот и принцезата.
Кога ќе пристигнат во која било земја, од царот и царицата на Јапонија се бара само да покажат документ од локалното министерство, со кој земјата се известува однапред за нивното пристигнување.
Во случајот со кралот Чарлс Трети, таа должност му беше доверена на неговиот личен секретар, Сер Клајв Алдертон, кој е еден од најдоверливите и најомилени советници на кралот и кралицата Камила од 2006 година.
