Колибрито е познато по својата убавина – всушност, се смета за најшарениот вид птици. Но, покрај тоа, крие уште многу трикови во своето ситно тело.
Може да мавта со крилјата од 20 до 80 пати во секунда и може да достигне брзина споредлива со млазните борбени авиони, пренесува Н1 Загреб.
Нивните крилја не се како крилјата на другите птици – тие се исклучително силни и се протегаат речиси директно од телото на колибрито.
За да можат да изведуваат сложени маневри во лет, колибрите имаат уникатни зглобови што им овозможуваат да ги ротираат крилјата во облик на осумка. Благодарение на ова, тие можат да одржуваат интензивен ритам на замавнување и да летаат наназад долго време.
Некои птици можат да летаат назад за кратко време, но само колибрите се вистински мајстори на оваа вештина. Благодарение на нивните зглобови, тие исто така можат да создадат подигнување за време на кревањето на крилјата – нешто што повеќето други птици не можат да го направат.
„Усвоиле стил на летање сличен на инсекти, иако имаат еволутивно наследство од ‘рбетници, изјави биологот Тајсон Хедрик од Универзитетот во Северна Каролина, главен автор на студијата од 2011 година, за списанието Нејчр.
„Во основа има исти коски од раката како нас, но прави нешто необично со рамото – го движи крилото напред-назад како винска мушичка, а не како гулаб“.
Кога треба да поминат низ тесни отвори, колибрите ги приближуваат крилјата до своите тела и брзаат низ отворот како куршум. Тие исто така можат да се свртат настрана за да поминат низ одредени премини.
„Една приказна што си ја раскажав себеси“, изјави биологот Марк Беџер за Сајнс њуз, „е дека откако ќе сфатат што има на другата страна и ќе се запознаат со нивната околина, тие преминуваат на оваа „балистичка“ техника за да ги избегнат последиците“.
