Роботските нозе, како што честопати се нарекува уредот на интернет, работат со помош на алгоритми базирани на вештачка интелигенција и се тестирани на сериозен терен – на падините на планината Тајшан.
Импозантната планина Таишан, висока 1.500 метри и со повеќе од 7.000 скалила, во источната кинеска покраина Шандонг, е позната по тоа што ги заморува сите што се искачуваат до нејзиниот врв.
На првиот ден од кинеската Нова година, 29 јануари, на оваа планина својата премиера ја имаа десет егзоскелети напојувани со вештачка интелигенција. Во текот на седумдневниот промотивен период, повеќе од 200 корисници можеа да изнајмат егзоскелет за надомест од 60 до 80 јуани (8 до 11 американски долари) за да се искачат на врвот на планината и да се спуштат до подножјето, според новинската агенција Синхуа.
Роботските нозе, како што уредот најчесто се нарекува на интернет, работат со помош на алгоритми базирани на вештачка интелигенција и можат да ги „чувствуваат“ движењата на корисникот и да обезбедат „синхронизирана помош“ за да заштедат напор на нозете.
Според Ванг Хоуџе, заменик-секретар на Партискиот комитет на Групата за култура и туризам на Тајшан, егзоскелетот на долните екстремитети се напојува со две батерии, кои можат да траат најмногу околу пет часа. На луѓето обично им требаат околу шест часа за да се искачат на врвот на планината Тајшан.
„Навистина функционира! Се чувствував како некој да ме влече нагоре!“, изјави ентузијастички за Синхуа 68-годишниот Ли Ченгде, турист од главниот град Џинан.
„Ова може да им помогне на повеќе луѓе да се искачат на планината и да уживаат во пејзажот на Тајшан без да биде премногу напорно“, изјави Ванг Хоуџе за кинеските државни медиуми.
Групата за култура и туризам „Тајшан“ најавува дека се работи на зголемување на капацитетот на батериите и дека точките за замена на батериите, како и дека покрај планинарските патеки ќе се уредат пунктови за замена на батериите.
