Модулот, наречен CA-1, комбинира роботски раце и индукциски плотни за готвење, пренесува Билд.
Машината ги зема состојките од коморите за ладење, ги загрева и го сервира оброкот во рок од три до четири минути, а потоа автоматски ги мие садовите.
Понудата вклучува јадења како тестенини, леќа и салати, а оброците се преземаат со помош на кјуар (QR) код. Цената на оброкот е помеѓу пет и шест евра по порција.
Според основачот на компанијата, Николас Булвинкел, машината може да подготви до 100 оброци на час и да ги намали трошоците за персонал за 95 отсто.
Машината е полна со свежи, претходно зготвени состојки и се одржува еднаш дневно. Уредот чини околу 250.000 евра, додека месечната лиценца е најмалку 10.000 евра, во зависност од менито.
По Мета, интерес покажаа и други компании, вклучувајќи ги Реве, Хем, Страбаг и Мерцедес.
