Нејзините цвеќиња се собираат во густи шилци, а самото растение формира густа грмушка со сребрено-зелени, тесни лисја. Кога ќе се засади во април, лавандата ќе цвета до лето и ќе донесе вистинско медитеранско расположение во вашиот простор.
Поради прекрасниот изглед и ароматичниот мирис, лавандата е омилен избор за многу луѓе за садење во градината, особено затоа што, со сите свои предности, е и исклучително отпорна.
Но, иако е прилично лесна за одгледување и не бара многу грижа, има некои предуслови кои треба да се исполнат за да се ужива долго време во нејзиниот раскошен раст.
Лавандата најдобро ќе расте на директна сончева светлина и на отворена положба во градината. Освен тоа, најдобро ќе ѝ одговара почва која е многу пропустлива и не задржува многу влага.
„Дефинитивно избегнувајте да садите на место што е под сенка, бидејќи вашата лаванда ќе се бори да преживее таму“, забележува искусниот градинар Џек Саклиф.
Кастрењето е клучен процес во негата на лавандата бидејќи без него растението станува дрвенесто, суво и непривлечно.
Со редовно отстранување на расцветаните делови, ќе обезбедите побогат раст на нови ластари, а оваа постапка не заборавајте да ја спроведете кон крајот на зимата или раната пролет за да ја подготвите за целосно цветање во лето.
За разлика од повеќето градинарски растенија, лавандата не сака често наводнување, а прекумерната количина на вода може да му наштети на нејзиниот раст.
„Затоа, полевајте ја лавандата само кога ќе забележите дека почвата целосно се исушила“, тврди Саклиф.
За најуспешен раст на лавандата, пресадете ја на секои две до три години. За време на овој процес, лавандите често венеат, но тоа е сосема нормална реакција, која е проследена со уште повеличествено цветање.
Во текот на сезоната на растење во летните месеци еднаш месечно збогатувајте ја почвата со ѓубриво, кое не треба да се додава во постудениот дел од годината.
