Момчето, Хуго Ричард Норман Пауел, е родено во декември во болницата „Кралица Шарлот и Челзи“ во Лондон, со тежина од 3,1 кг.
Мајката, Грејс Бел, која е родена со синдром Мајер-Рокитански-Кистер-Хаузер (МРКХ), ретка состојба што резултира со неразвиена или отсуство на матка, им се заблагодари на тимот лекари и го опиша настанот како „чудо“ и „најубавиот момент во мојот живот“, пренесува Би-би-си.
Хуго е второ бебе во Британија родено по трансплантација на матка и прв случај во кој е употребена матка од починат донатор.
🗣️ ‘When I was 16, I was told that this would never be possible, not in my lifetime.’
Grace Bell, Steve Powell and Hugo joined @SophyRidgeSky & @WilfredFrost to talk about the womb transplant Grace had, which allowed her to have their baby. pic.twitter.com/VR8BImwpcc
— Ridge & Frost (@RidgeandFrost) February 24, 2026
Неговото раѓање доаѓа по првата трансплантација на матка во Велика Британија во 2023 година, во која Грејс Дејвидсон, уште една пациентка со МРКХ, примила матка од својата постара сестра, Ејми, како донација од живо лице.
Трансплантации од починати донатори се случуваат само кога семејствата на починатите ќе бидат конкретно прашани дали сакаат да донираат матка.
Матката не е опфатена со вообичаената согласност за донирање, ниту со регистрација во регистарот на донатори на органи, и не е опфатена со претпоставката дека луѓето сакаат да донираат, освен ако не одлучат да го сторат тоа.
Досега, во Европа се пријавени само два слични случаи.
Организацијата за трансплантација на матка во Велика Британија досега изврши пет трансплантации на матка, вклучувајќи две од живи донатори и три од починати, и веќе се родени две бебиња.
