Три партии, Христијанско-демократската унија, Социјалдемократската партија и Партијата на зелените заедно објавија ваков оглас.
„Со нас можете да ја обликувате иднината на оваа одговорна позиција“, стои во текстот на огласот објавен во понеделникот во еден локален весник.
Во наредните денови огласот ќе биде проследен и до други медиуми.
Наведени се критериумите за прв човек на Вагенроге – подготвеност за живот на островот, повисок степен на образование, пожелно искуство, како и старосна граница како што е утврдена со уставот на покраината Долна Саксонија.
Трите германски партии кои се огласија велат дека има недостиг на квалификувана работна сила во Вагенроге, поради што е речиси невозможно да се најдат кандидати за административни позиции.
Шпигел наведува дека овој остров веќе имал позитивни искуства со пронаоѓање функционери преку огласи, на овој начин е пронајден актуелниот градоначалник Марсел Фангор пред седум години, по ненадејната смрт на неговиот претходник.
Заинтересираните кандидати имаат рок да се пријават до 14 јуни, изборите за градоначалник се закажани за 17 август.
