И покрај фактот дека топлината од повторното влегување го оштетила заштитното „здолниште“ околу моторниот простор на „старшип“, како и делумно го стопила контролниот капак на неговиот спој, вселенското летало било стабилно во текот на целиот лет и извршило контролирано слетување на планираната локација во Индискиот Океан, пренесува РТС.
„Слетувањето е потврдено! Честитки до целиот тим на Спејсекс за возбудливиот десетти пробен лет на старшип!“, соопшти компанијата.
Splashdown confirmed! Congratulations to the entire SpaceX team on an exciting tenth flight test of Starship! pic.twitter.com/5sbSPBRJBP
— SpaceX (@SpaceX) August 27, 2025
Претходно, првата погонска фаза, таканаречената „супер тешка“, исто така го изврши маневрирањето како што беше планирано – го подигна „старшип“ од долните слоеви на атмосферата, а потоа самостојно се врати на брегот на Тексас, каде што слета во морето.
SpaceX fans manifesting a successful Starship launch today 😌 pic.twitter.com/gi7R5xOM1K
— SMX 🇺🇸 (@iam_smx) August 26, 2025
Вработените на Спејсекс во Тексас и Калифорнија ги прославија и аплаудираа за достигнувањата за време на пробниот лет, кој траеше еден час и шест минути, јасно покажувајќи го својот ентузијазам по трите катастрофални неуспеси по ред што му претходеа на синоќешниот десетти тест.
SpaceX Starship team deserves huge respect for what they’re building pic.twitter.com/hZLCBEhZAk
— Dima Zeniuk (@DimaZeniuk) August 27, 2025
Синоќешниот лет беше откажан двапати – обидот за лансирање во неделата беше откажан поради проблеми со опремата на земјата, а вториот обид во понеделникот беше спречен поради облачно време.
Сепак, вчера условите беа идеални и ракетата, најмоќната некогаш изградена, приреди спектакуларно шоу додека забрзуваше во вселената со двојно поголема моќност од ракетата на НАСА за лунарната мисија СЛС и легендарната ракета Сатурн 5.
Starship’s tenth flight test pushed the limits and provided maximum excitement along the way → https://t.co/UIwbeGoo2B pic.twitter.com/W6fH3GCwuP
— SpaceX (@SpaceX) August 27, 2025
Со оглед на досегашните нерамномерни резултати од „старшип“, расте загриженоста дека верзијата што се гради за НАСА, наменета за слетување на Месечината, можеби нема да биде усовршена на време за планираното слетување во 2027 година, а можеби дури ни пред Кинезите да го кренат своето знаме на Месечината на крајот од деценијата.
Последниот успех нема да ги ублажи тие грижи – остануваат многу технички пречки – но несомнено е голем поттик за Маск и вработените на Спејсекс.
