Сепак, има една работа што важи во текот на целиот лет: вклучување на авионскиот режим на телефонот, пренесува ЛЕДбајбл.
Многу патници совесно ја следат оваа инструкција, но навистина не разбираат зошто од нив се бара да се „исклучат“ од дигиталниот свет кога веќе се физички офлајн.
За да се разјаснат работите, искусен пилот објасни што може да се случи ако не користите авионски режим – и не се работи само за бонтон.
Дејвид Морган, шеф за летање и безбедност на Ер Нов Зеланд, откри дека во текот на неговата кариера бил сведок на ситуации кога електронските уреди на патниците предизвикувале пречки.
„Бев во авион кој три пати правеше работи што не сакав да ги прави – поради Гејм бој, мобилен телефон и лаптоп“, изјави тој за Стаф.
Дури и нешто толку едноставно како Гејм бој може да пречи на системите за време на летот – што значи дека авионскиот режим не е ограничен само на паметни телефони и таблети. Еден од најнезаборавните инциденти се случил додека Морган летал со Боинг 767 од Мелбурн.
„Одеднаш ги загубивме сите ВХФ радио комуникации“, се сеќава тој.
Авионот имал три ВХФ радија и секој пат кога се префрлале на следното – ни тоа не работело.
„Конечно реков: „Подобро е да ја провериме кабината и да видиме дали има нешто што предизвикува пречки“, рече тој.
Како што се испостави, патник користел Гејм бој.
„Штом уредот беше исклучен, сите три радија повторно работеа“, изјави Морган.
Иако многумина мислат дека исклучувањето на мобилните уреди е само формалност, оваа приказна покажува дека зад тоа се крие сериозна причина.
Стјуардеса од Обединетото Кралство објасни дека сигналот од нашите уреди – без разлика каков е тој – потенцијално може да ја попречи комуникацијата на авионот со контролата на летање.
Со други зборови, користењето на уредот без авионски режим може да предизвика пречки за кои пилотите не сакаат да ризикуваат – така што следниот пат кога ќе биде побарано да го вклучите тој режим, ќе знаете дека тоа не е само уште едно правило без причина.
