Облечете се добро и во слоеви, ставете капа и ракавици и излезете надвор дури и во студените зимски денови. Постојат голем број на добри ефекти што ваквото време ги има врз вашето здравје.
Студеното време помага во согорувањето на калориите
Студиите покажуваат дека вежбањето во ладно време или дури и треперењето и смрзнувањето при кратка прошетка од вашата канцеларија до вашиот автомобил може да согори дополнителни калории.
Кога е студено, вашето тело повеќе работи на одржување на основната температура. Нашите тела трошат значителна количина енергија за да нè загреат и да го навлажнат воздухот што го вдишуваме кога сме надвор на студено, што ја зголемува потрошувачката на калории на телото и придонесува кон дефицит.
Студеното време помага во борбата против инфекции и воспаленија
Како што стои во студијата што ја спроведоа Јански и соработници, кога човечкиот имунитет се навикнува на студени температури и средина, неговата способност за борба против инфекции станува посилна.
Знаете како се користат облоги со мраз за намалување на отокот и болката по повреда? На ист начин, може да забележите дека вашите зглобови се помалку отечени во зима бидејќи студениот воздух делува како природен мраз за да го намали воспалението.
Студеното време придонесува за подобар сон
Во текот на целата година, секогаш се советува просторијата во која спиеме да се одржува свежа. Истото се советува и во зима: пред спиење отворете го прозорецот во просторијата половина час и ќе спиете подобро.
Спиењето во студена просторија не само што го подобрува квалитетот на вашиот сон, туку и ви овозможува побрзо да заспиете. Затоа, најмалку 30 минути пред спиење, отворете го прозорецот и проветрете ја и разладете ја просторијата во која спиете.
Студеното време придонесува за подобра функција на мозокот
За време на зимата понекогаш можете да се чувствувате малку успорено, но истражувањата покажуваат дека студеното време може да ја зголеми мозочната активност и да ве поттикне на јасно размислување. Имајте го тоа на ум пред следната презентација на работа за време на зимската сезона.
Дополнително, истражување спроведено од Брeнен и соработници покажува дека луѓето се помалку склони да решаваат когнитивни проблеми летно време, за разлика од зимата, затоа што во лето се користи повеќе глукоза потребна за ментални процеси.
Студеното време го зголемува пулсот
Кога вежбате на студен воздух, вашето срце работи двојно за да ве загрее и да го одржи телото топло. Значи, ако сакате да останете активни зима, енергичното трчање на студен воздух може да ви користи. Сепак, бидете внимателни во зима ако имате срцеви заболувања и задолжително консултирајте се со лекар пред да почнете со тренинг на отворено.
