Нутриционистите нагласуваат дека не е потребно целосно да ја промениме нашата исхрана за да се чувствуваме подобро, туку да воведеме одредени видови храна. Тие можат да помогнат во варењето, да ја поддржат рамнотежата на цревниот микробиом и да го намалат воспалението со текот на времето.
Експертите за исхрана истакнаа три опции кои се особено добри за здравјето на цревата и борбата против надуеноста.
Чај од ѓумбир
Чај од ѓумбир е познат по тоа што може да ја ублажи надуеноста и да го поттикне варењето.
“Џинџерол, биоактивно соединение во ѓумбирот, има антиинфламаторни својства и својства против мачнина. Чајот од ѓумбир може да го смири дигестивниот систем, да ги намали гасовите и надуеноста, како и да ги поттикне движењето на цревата”, наведува диететичарот и нутриционист Крутика Нанавати.
Додава дека, иако не е чудесно решение за слабеење, неговата способност да го подобри варењето може долгорочно да придонесе за намалување на масните наслаги на стомакот.
Јогурт
Јогуртот е богат со пробиотици како што се лактобацилус и бифидобактериум, кои го поддржуваат здравјето на цревата. Лекарот д-р Шам Синг истакнува:
„Јогуртот, богат со пробиотици како што се лактобацилус и бифидобактериум, го поддржува когнитивното здравје преку промовирање на избалансиран цревен микробиом.“
Тој додава дека оваа рамнотежа е важна за намалување на воспалението и правилна функција на мозокот преку оската црево-мозок. Пробиотиците исто така помагаат во регулирањето на невротрансмитерите како серотонинот, што е важно за расположението.
Диња
Дињата е освежително овошје со висока содржина на вода што може да помогне во варењето на храната. „Има висока содржина на вода, што придонесува за хидратација“, вели регистрираната експертка за исхрана Кетрин Гервасио.
Истакнува дека правилната хидратација е важна за рамнотежата на електролитите и нормалното функционирање на клетките. Токму таа рамнотежа може да помогне во спречување на задржување на вода и надуеност.
