„Никогаш не сме имале нешто што би можело да ги намали и ЛДЛ и триглицеридите за околу 50 проценти“, рече кардиологот Стивен Нисен од клиниката во Кливленд, кој го водеше првото вакво истражување врз луѓе.
Терапијата е сè уште во рана фаза на развој.
„Доколку идните испитувања потврдат дека третманот е безбеден и ефикасен, тоа би можело да ја промени практиката на лекување“, рече д-р Лук Лафин од клиниката во Кливленд, еден од водачите на студијата.
Тој наведе дека оваа терапија во форма на еднократна инфузија би можела да им се дава на пациентите со висок холестерол наместо една таблета дневно или месечна инјекција.
Резултатите беа презентирани на состанокот на Американската асоцијација за срце во Њу Орлеанс и објавени во „Медицински журнал на Нова Англија“.
Таканаречениот лош холестерол може да предизвика таложење на ѕидовите на артериите, што го зголемува ризикот од срцев или мозочен удар.
Високи триглицериди, уште една маст во крвта, исто така можат да го зголемат овој ризик.
