Пивото е еден од најпопуларните алкохолни пијалаци во светот, но постои „момент“ кога треба да престанете да го пиете, објаснува неврологот д-р Ричард Рестак.
Причината не е „пивскиот стомак“, туку нешто многу посериозно.
„Алкохолот е многу, многу слаб невротоксин“, изјави д-р Рестак. „Не е добар за нервните клетки“.
Затоа е особено важно да се спротивставиме на алкохолот во период кога зачувувањето на невроните е клучно. Крајната возраст е 65 години.
Зошто токму тогаш?
„Во идеален свет“, објаснува д-р Рестак, „секој треба да почне да го намалува внесувањето алкохол по 65-годишна возраст и целосно да престане да пие до својот 70-ти роденден“.
Оваа препорака, исто така, произлегува од добро познатата поврзаност помеѓу прекумерната консумација на алкохол и зголемениот ризик од развој на деменција.
Во тој период, бројот на неврони во мозокот и врските меѓу нив почнуваат значително да се намалуваат, што доведува до намалување на мозочната маса, а последица на тоа е пад на физичките и когнитивните способности.
Одлуката е лична
Иако можеме да се обидеме да балансираме со поздрав начин на живот, како повеќе движење, најдобро е да се спречи штетата од самиот почеток.
Можеби на некои им изгледа тешко да се откажат од пивото во пензија – период кога конечно можете малку да се опуштите – но тогаш телото е најчувствително на штетните ефекти на алкохолот, па затоа е паметно да го избегнувате.
„Силно препорачувам доколку имате 65 години или повеќе, целосно и трајно да го елиминирате алкохолот од вашата исхрана“, советува д-р Рестак.
Секако, одлуката е лична.
