Навивачот Жулиен Бурон неодамна ја откри својата колекција дресови на фудбалскиот клуб Монако, кои, меѓу другите, ги носеле Килијан Мбапе, Тијери Анри, Мануел Аморос, Радамел Фалкао, Давид Трезеге и Делио Онис, најдобриот стрелец на клубот.
Како што денес соопшти Монако, официјален судски службеник присуствувал на изложбата и ја потврди бројката од 1.146 дресови, надминувајќи го претходниот светски рекорд што го држеше навивач на Ливерпул од Швајцарија.
🚨 Julien Bouron, torcedor do Monaco, entrou para a história sendo a pessoa com o maior número de camisas de um mesmo clube.
Julien tem 1.146 camisas de seu clube do coração! 🤯 pic.twitter.com/0w6oDGLqVl
— L1 Insider 🇨🇵🇧🇷 (@L1InsiderBRL) November 12, 2025
Бурон, кој е од Бургундија, рече дека неговата страст кон клубот започнала пред 25 години, кога првпат присуствувал на натпревар помеѓу Монако и Оксер.
„Тоа беше годината кога Монако ја освои својата седма титула во француското првенство. Тој ден се заљубив, не во Оксер, туку во Монако. И оттогаш, не престанав да го следам клубот“, изјави навивачот за веб-страницата на клубот.
Тој почнал да создава колекција кога поранешниот фудбалер на Монако, Лукас Бернарди, му го подарил дресот што го носел во сезоната 2006/2007.
„Оттогаш, се заинтересирав за дресовите што ги носат играчите на натпреварите. Денес, тоа е активност што одзема многу време. Секогаш барам ретки скапоцености, но веќе сум горд што ги поседувам сите овие“, рече Бурон.
Најстариот дрес во колекцијата е од педесеттите години на минатиот век, кој го носел дефанзивецот Франсоа Лудо.
