Австралиските научници развија модел на вештачка интелигенција (ВИ) кој може да дешифрира зборови и реченици од мозочните бранови откриени со капа што може да се носи, поставувајќи нова граница во медицината, соопшти денеска Австралиската радиодифузна корпорација.
Моделот не само што ќе им помогне на пациентите со когнитивни оштетувања, туку може да го револуционизира и начинот на кој луѓето комуницираат со компјутерите.
Пионерскиот модел на вештачка интелигенција, развиен од експертот Даниел Леонг, докторанд Чарлс Жоу и неговиот ментор Чин-Тенг Лин во Центарот за вештачка интелигенција на Технолошкиот универзитет во Сиднеј, користел длабинско учење за да ги преведе мозочните сигнали од електроенцефалограмите (ЕЕГ) во специфични зборови.